Supë Me Të Brendëshmet E Qengjit (Magjirica Greke)

A e dini se magjirica është një supë tradicionale e fesë ortodokse dhe konsumohet në darkën e së shtunës së madhe mbas ringjalljes së krishtit dhe mbas 40 ditëve të agjerimit?  Një recetë e shijshme, gatim tradicional për tryezën e Pashkëve. Një supë e shijshme me aromë erëzash të freskëta, plot me proteina për të mëdhenj dhe të vegjël...

       PËRBËRËSIT

të brendëshmet e qengjit
1 qepë të thatë
2 tufa me qepë të njoma tëgrira
1/2 tufë me kopër të grirë
1/2 tufe me majdanoz të grirë
3/4 filxhan çaji me vaj ulliri
50 gr oriz (Glase)
kripë, rigon, piper

   PËR SALCËN E LIMONIT

2 te verdha vezësh
1 limon (lëngun)
1 lugë gjelle me niseshte

                     

                                    PREGATITJA

I lajmë të brendëshmet e qengjit dhe i ndajmë veç melçinë, mushkëritë, zemrën dhe gjëndrat. I vendosim në një tenxhere me ujë të bollshëm që të ziejnë sa të marrin valë për 10 minuta. Mbasi të kenë zier kulojmë ujin dhe i grijmë të brendëshmet hollë. Lëngun e tyre e hedhim.






Në një tenxhere, hedhim vajin e ullirit, të brendëshmet, qepën e thatë të grirë imët, qepën e njomë dhe i skuqim pak derisa të avullojnë lëngjet dhe të zbuten. Shtojmë koprën dhe majdanozin dhe i përziejmë. Shtojmë 5 gota me ujë dhe sapo të fillojë te ziejë hedhim orizin, kripën, piperin dhe rigonin. E lemë supën të ziejë në temperaturë të ulët deri sa të zihet orizi.

                                                               PREGATITJA E SALCËS SË LIMONIT

Në një tas tresim niseshten në lëngun e limonit, shtojmë të verdhat e vezëve dhe i përziejmë lehtë. Me një garuzhde hedhim me ngadalë në salcën e limonit pak nga lëngu i supës së nxehtë, duke e përzier vazhdimisht për të balancuar temperaturat e tyre. Hedhim salcën e limonit përsëri me ngadalë në supën e mëlçisë, duke e përzier vazhdimisht për të shmangur ''prerjen'' e vezëvedhe e heqim menjëherë nga zjarri.

Mish Çobani (Mish Qengji Në Furrë Me Kos - Ushqim Arumën)

Pregatisni për miqtë tuaj këtë pjatë shumë të shijshme.... Mish në furrë. Gatuajeni këtë recetë hap pas hapi të sugjeruar nga ne dhe shijoni mishin e qengjit të butë dhe me një aromë të vecantë, sidomos po të gatuhet në saç...






PËRBËRËSIT

2 kg mish qengji
2 lugë gjelle me gjalp
2 thelbinj hudhre të grira hollë
1 filxhan çaji me verë të bardhë
2 filxhana çaji me salcë kosi
1 vezë
2 gjethe dafine
kripë
rigon mali

                                    PREGATITJA

Presim mishin e qengjit në rracione. Hedhim në tenxhere gjalpin, mishin dhe e skuqim nga të gjitha anët në zjarr të mesëm. Shtojmë hudhrat dhe i përziejmë deri sa të zbuten. Shtojmë verën. Sa të ketë avulluar vera e tepërt shtojmë erëzat, rigonin, kripë dhe pak piper të zi.






Hedhim mishin e pregatitur në një tepsi balte dhe shtojmë ujë të nxehtë ose lëng mishi deri sa të mbulohet gjysma e mishit. Shtojmë dafinën, mbulojmë tepsinë me letër alumini dhe e pjekim në furrë për 2 orë deri sa mishi te jetë zbutur plotësisht. Kontrrojmë tepsinë në furrë dhe shtojmë ujë të nxehtë ose lëng mishi në qoftë se nevojitet.

40 Minuta para se ta nxjerrim tepsinë nga furra, përziejmë kosin me vezën me një pirun në një tas deri sa të bëhet një masë homogjene. Hedhim pak kripë tek kosi dhe e hedhim sipër mishit në furrë. E pjekim në furrë mishin deri sa të avullojnë ujrat e tepërta nga kosi dhe të lidhet. E shërbejmë të nxehtë dhe sipas dëshirës me pak djathë kaçkavall dhe majdanoz të grirë mbi të. Këtë recetë të shijshme mund ta pregatisim edhe duke e pjekur në saç.